Cəmiyyət
Pleyeri seçin:
Füzulidə insan sümükləri tapıldı
“Bir neçə gün bundan öncə Məhkəmə-Tibbi Ekspertiza və Patoloji Anatomiya Birliyinə insan qalıqları təqdim edilib”.
Bunu Birliyin direktoru Ədalət Həsənov deyib. O qeyd edib ki, mayın 16-na qədər Füzulidə aparılan qazıntılar zamanı Aşağı Seyidəhmədli kəndi ərazisindən təxminən iki şəxsə aid olduğu ehtimal edilən qalıqlar tapılıb. Hazırda qurumda təxminən 200-300 şəxsə aid sümüklər var.
Ə.Həsənov bildirib ki, mina axtaranlar, prokurorluq işçiləri, təmir-tikinti işləri ilə məşğul olanlar insan qalıqları tapanda onları qablaşdırıb gətirirlər. Bu qalıqların itkin düşmüşlərə, yoxsa sonrakı dövrdə həlak olmuş şəxslərə aid olduğu isə bilinmir.
“Hələlik qalıqların konkret neçə şəxsə aid olduğunu demək mümkün deyil. Eyni zamanda naməlum şəhid məzarlarından da qalıqlar çıxarılıb. Ümumi şəxslərin siyahısına onlar da daxildir”, – deyə Məhkəmə-Tibbi Ekspertiza və Patoloji Anatomiya Birliyinin direktoru əlavə edib.
Kopyalandı
Seçilmişlər
