Gəncə terrorunda onu xilas edən oğlanla ailə qurdu

Gəncə terrorunda valideynlərini itirən Sevil Əliyevanın nikah mərasimi olub.

Sevilin ailə qurduğu gənc onu terror hadisəsi yaşanan gecə dağıntılar altından çıxaran Talış adlı oğlandır. O, həm də Sevilin sinif yoldaşı olub.

Qeyd edək ki, 2020-ci il oktyabrın 11-də Gəncəyə atılan raket nəticəsində hər iki valideynini itirən Sevil və 8 yaşlı qardaşı Hüseyni nənəsi himayəsinə götürüb. Sevil Əliyeva Azərbaycan Dövlət Aqrar Universitetinin İqtisadiyyat fakültəsində təhsil alır.