Goranboy kənd sakinləri danışdı | Gecə durub gördüm ki...

Günlərdir davam edən yağıntı Goranboyun Tatarlı, Səfikürd, Xan Qərvənd və Əlirzalı kəndlərində fəsadlar yaradıb.

Sakinlərin sözlərinə görə, sel kənd təsərrüfatına, evlərə ciddi ziyan vurub.

“Gecə güclü yağış yağdı, durub gördüm ki, qapını sel basıb. Evdə çatlar əmələ gəlib, zirzəmi su ilə dolub”, – kənd sakini söyləyib.

Goranboy Rayon İcra Hakimiyyətindən bildirilib ki, Fövqəladə Hallar Komissiyası hadisə baş verən andan aidiyyəti qurumlarla birgə fəsadların aradan qaldırılması istiqamətində işlərə başlayıb. Ağır texnika cəlb olunaraq sel sularının kənd ərazisindən çıxarılması təmin edilib.