Gördülər ki, su götürüb aparıb... | Astara sakinlərinin problemi necə həll ediləcək?

Astarada torpaq sürüşməsi nəticəsində bəzi evlərdə təhlükə yaranıb.

Sakinlərin sözlərinə görə, bütün bağ sahələri, yetişdirdikləri sitrus bitkiləri təbii fəlakətin qurbanı olub.

“Gecə yatmışdıq, elə bildik ki, nəsə partladı. Bir də gördük, 3-4 metr torpaq sürüşüb. Su yenə gəlsə, evimi aparacaq. Hər tərəf çatlayıb, qarşısını almaq mümkün deyil. Əkdiyimiz ağacları sel aparır, böyüdürük, amma bəhrəsini görə bilmirik”, – kənd sakinləri şikayətlərini bildiriblər.