Cəmiyyət
Pleyeri seçin:
Göyçayda internet üzünə həsrət qalan kənd
Göyçayın Şıxəmir kənd sakinləri kənddə internet xətlərinin olmamasından şikayətlənirlər.
Belə ki, sözügedən kənddə 60-a yaxın ailə, 300-dən çox sakin yaşayır. İllərdir bu kəndə telefon xətləri çəkilsə də, deyəsən, internetlə təmin etmək yaddan çıxıb.
Kənd sakini İlham İsmayılovun sözlərinə görə, COVID-19 pandemiyası zamanı onlayn dərs keçilərkən övladları internetin olmaması səbəbindən bundan faydalana bilməyiblər: “Rəsmilərə bir neçə dəfə müraciət etsək də, heç bir nəticəsi olmadı. Hər ay mobil internet paketinə 100-120 manat pul veririk”.
Sözügedən kəndin internet təminatı “Azeronline” birgə müəssisəsinə həvalə olunub. Şirkətin rəsmi nümayəndəsi Səbinə Təvəkkülova kəndə bu il internet xətlərinin çəkilişinin nəzərdə tutulmadığını bildirib.
Kopyalandı
Seçilmişlər
