Hava ilə bağlı xəbərdarlıq edildi | Vətəndaşlara diqqətli olmaq tövsiyə olunur - Baku TV

Mayın 17–18-də Bakıda və Abşeron yarımadasında arabir yağış yağacaq. Ayrı-ayrı yerlərdə yağıntıların intensiv xarakterli olacağı ehtimalı var.

Bu barədə Milli Hidrometeorologiya Xidmətindən məlumat verilib.

Bildirilib ki, mülayim şimal-qərb küləyi bəzi yerlərdə arabir güclənəcək. Havanın maksimal temperaturunun 17–21 dərəcə isti olacağı gözlənilir.

Bölgələrdə də yağıntılı hava şəraiti davam edəcək. Bəzi yerlərdə yağıntıların intensiv olacağı, şimşək çaxacağı, dolu düşəcəyi, dağlıq ərazilərdə isə qara keçəcəyi ehtimalı var. Mülayim qərb küləyi arabir güclənəcək. Havanın maksimal temperaturu Aran rayonlarında 21–26, dağlıq ərazilərdə isə 12–17 dərəcə isti olacaq. Gözlənilən yağıntılı hava şəraiti ilə əlaqədar çaylarda sululuğun artacağı, bəzi dağ çaylarından isə qısamüddətli sel keçəcəyi ehtimalı var.

Qeyd edək ki, Milli Hidrometeorologiya Xidməti mayın 17-də Bakıda və Abşeron yarımadasında, mayın 17–19-da isə bəzi bölgələrdə gözlənilən küləkli hava şəraiti ilə bağlı sarı və narıncı xəbərdarlıq edib. Küləyin sürəti saniyədə 13,9 metrdən 28,4 metrə qədər güclənəcək.