Hərbçilərimiz Türkiyədə keçirilən "EFES-2024" təlimlərində iştirak etdi

Azərbaycan xüsusi təyinatlıları Türkiyədə keçirilən “EFES-2024” beynəlxalq hərbi təlimlərində atəş fəaliyyətləri icra ediblər.

Bu barədə Türkiyə Milli Müdafiə Nazirliyindən bildirilib.

Qeyd olunub ki, ordunun rəhbər heyəti və qonaq şəxsi heyətlərin iştirakı ilə atəş fəaliyyətləri icra olunub.

Xatırladaq ki, təlimlərdə 9 ölkədən ümumilikdə 1567 nəfərdən ibarət şəxsi heyət iştirak edir. Təlimlər mayın 30-dək davam edəcək.