Heydər Əliyev heç vaxt nəyi bağışlamırdı?

Azərbaycan xalqı ulu öndər Heydər Əliyevi dahi şəxsiyyət, uzaqgörən lider, casarətli insan olaraq tanıyır. Ömrünü xalqına həsr edən ümummilli lider onların rifahı üçün gecəsini gündüzünə qatırdı.

Onu yaxından tanıyan insanlar deyirlər ki, ulu öndər rəsmiyyətdən uzaq, sadə, səmimi, zarafatcıl və olduqca şən insan idi. Heydər Əliyev insanlarla ünsiyyətə girməyi sevir, xalqın içində olamaqdan zövq alırdı. Ətrafındakı insanlara diqqət, qayğı göstərir, onlara etimad edirdi.

Onu uzun illər müşayiət edən insanlardan biri də şəxsi fotoqrafı Rafiq Bağırov idi.

Heydər Əliyevin saysız-hesabsız şəkillərini çəkən R.Bağırovun ulu öndərlə ilk fotosunun maraqlı tarixçəsi var: “Şəkil çəkdirməyə 8 saat vaxt ayırdı. Çəkiliş bitdikdən sonra mənə dedi ki, bəs sən mənimlə şəkil çəkdirmək istəmirsən? Daha sonra mühafizəçi bizim şəklimizi çəkdi”.

Ulu öndərlə bağlı xatirələrini bölüşən kinorejissor Vaqif Mustafayev isə onunla ölümündən bir müddət əvvəl baş tutan söhbətindən danışıb: “2003-cü ildə məndən soruşdu ki, haqqımda neçə film qalıb? Dedim ki, 12 film nəzərdə tutmuşam, 5-i qalıb. Mənə elə söz söylədi ki, səhərə qədər yata bilmədim. Dedi ki, sən bu 5 filmi çəkməyi necə çatdıracaqsan? Vəfat edəndə nə demək istədiyini baş düşdüm”.