Heydər Əliyevə şəkil çəkdirmək istəyirəm deyəndə… | Laçınlı nənənin xatirələri

Əslən Laçından olan 88 yaşlı Şərqiyyə nənə doğma yurdunun işğalından sonra ailəsi ilə birgə Bərdənin Zümrüxan kəndində məskunlaşıb.

Bütün ömrünü əməyə həsr edən Şərqiyyə nənə Ulu Öndər Heydər Əliyevlə bağlı xatirələrini Baku TV ilə bölüşüb:

“Heydər Əliyevlə 31-ci Qurultayda görüşdük. Çox səmimi, zəhmətkeşi çox istəyən adam idi. Dedim ki, mən uzaq yerdən gəlmişəm, sizinlə şəkil çəkdirmək istəyirəm. Dedi çox gözəl olar, mən həmişə zəhmətkeşin qədrini bilən adamam. Heydər Əliyev bilirdi ki, zəhmətkeş kimdir. Əməyimə görə mənə Prezident təqaüdçüsü adını vermişdi”.

Qeyd edək ki, sağıcılıqla məşğul olan Şərqiyyə Vəliyeva 12 inəyin hər birindən 4700 litr süd sağaraq Sosialist Əməyi Qəhrəmanı adını alıb, dünya üzrə rekord qırıb.