I və IV qruplar üzrə qəbul imtahanının nəticələri açıqlandı

Dövlət İmtahan Mərkəzi I və IV ixtisas qrupları üzrə iyunun 3-ü və 4-də keçirilən qəbul imtahanlarının nəticələrini elan edib.

Abituriyentlər imtahanın nəticələri haqqında məlumatı mobil nömrələri vasitəsilə imtahana buraxılış vərəqəsində verilən kodu 7727 nömrəsinə göndərməklə öyrənə bilərlər.

İmtahanda iştirak etmək üçün ərizə təsdiq etmiş 34 min 440 abituriyentdən 1 687 nəfəri imtahanda iştirak etməyib. 8 abituriyent isə qaydaları pozduqlarına görə imtahandan xaric edilib və nəticələri ləğv olunub.