İcra başçısı şəhid ailələri ilə görüşdü I İsmayıllıda yekun tədbir

İsmayıllıda ilin yekunlarına dair tədbir keçirilib. Tədbir iştirakçıları Ulu öndər Heydər Əliyevin abidəsini ziyarət edib, önünə gül dəstələri düzüblər.

Tədbirdə Rayon İcra Hakimiyyətinin başçısı Nahid Bağırov, idarə, müəssisə, rəhbərləri, ictimaiyyət nümayəndələri və müxtəlif müsabiqə qalibləri iştirak ediblər. İcra başçısı Nahid Bağırov bildirib ki, Ali Baş Komandan İlham Əliyevin uzaqgörən siyasəti sayəsində 2023-cü il Azərbaycan xalqı üçün qələbə ili olub.

Sonra bir qrup ictimaiyyət nümayəndəsi, müsabiqə qalibləri ümumrayon tədbirlərinin təşkilatçılığında göstərdiyi köməyə və səmərəli iştirakına, həmçinin il ərzində səmərəli fəaliyyətinə görə Təşəkkürnamə ilə mükafatlandırılıb.

Tədbirin 2-ci hissəsi şəhid ailələrinə, şəhid övladlarınə, o cümlədən aztəminatlı ailələrin övladlarına həsr olunub. "Qış nağılı" adlı əyləncəli tamaşa nümayiş etdirilib. Şaxta baba və Qar qız azyaşlıların alqışları ilə qarşılanıb. Yeni il şənliyi uşaqlara xoş əhvali-ruhiyyə və bayram ovqatı bəxş edib, əyləncəli anlar yaşadıb.

Bayram şənliyində körpələr üçün müxtəlif səhnəciklər nümayiş olunub. 300 -dən çox uşağa bayram sovqatı paylanılıb.