Pleyeri seçin:
İnsan hüceyrələri 7 ilə yenilənir? | Tədqiqatçılardan mühüm açıqlama
İnsan bədənindəki bütün hüceyrələrin hər 7 ildən bir tamamilə yeniləndiyinə dair iddianın elmi cəhətdən yanlış olduğu sübut edilib.
Tədqiqatçılar bu prosesin daha mürəkkəb olduğunu deyirlər. Onların sözlərinə görə, insan orqanizmində bir çox fərqli hüceyrə növü var ki, onların hər biri öz fərdi dövrünə uyğun olaraq özlərini yeniləyir.
Məsələn, mədənin selikli qişasını əhatə edən hüceyrələr aqressiv mədə mühitinə məruz qaldıqları üçün hər 2-3 gündən bir yenilənir. Eritrositlər və ya qırmızı qan hüceyrələri təxminən 120 gün fəaliyyət göstərir. Sinir sisteminin əsasını təşkil edən neyronlar zədələr istisna olunmaqla heç zaman yenilənmir.
Buna görə də bütün hüceyrələrin 7 il ərzində tam yenilənməsi barədə iddia gerçəkliyə uyğun gəlmir.
Kopyalandı
