İnsanlar nə üçün sağlam qocala bilmir? | Beynəlxalq araşdırmanın nəticələri açıqlandı

Yeni bir beynəlxalq araşdırma sağlamlıq və ömür uzunluğu arasındakı fərqin artdığını ortaya qoyub.

Məlumatlara görə, qlobal ömür uzunluğu 20 ildə 6,5 il artıb. Lakin gözlənilən sağlam ömür uzunluğu, yəni insanların yaxşı sağlamlıq şəraitində keçirdikləri illər bu artımla paralel irəliləyiş göstərməyib.

Tədqiqatın nəticələrinə görə, 2000-ci ildə sağlam ömür və ümumi ömür arasındakı fərq 8,5 il olduğu halda, 2019-cu ildə bu fərq 9,6 ilə yüksəlib. Bu, son 20 ildə 13 faizlik artıma işarə edir.

Mayo Klinikasının tədqiqatçısı doktor Andre Terziç bildirib ki, qocalmaq çox vaxt xəstəliklərlə dolu uzun ömür deməkdir.

Araşdırmaya görə, ən böyük fərqlər ABŞ, Avstraliya, Yeni Zelandiya, Böyük Britaniya və Norveçdə qeydə alınıb.

ABŞ-dəki boşluğun əsas səbəbləri arasında psixi sağlamlıq problemləri, narkotik maddə istifadəsi pozğunluqları və dayaq-hərəkət sistemi xəstəlikləri yer alıb. Bütün gözləntilərin əksinə Afrika qitəsində yerləşən Lesoto, Mərkəzi Afrika Respublikası, Somali, Kiribati və Mikroneziya sağlam ömür uzunluğu ilə ümumi ömür arasında ən kiçik fərqə sahib olan ölkələr kimi qeyd edilib.