İqor Kşnyakinin qızı atasından danışdı | Hər zaman bizə deyirdi ki...

“Mənim atam inanılmaz dərəcədə öz işinin peşəkarı idi. Pilot kimi fəaliyyət göstərdiyi illər ərzində dəfələrlə sərnişinlərin həyatının onun üçün nə qədər önəmli olduğunu sübut edib”.

Bunu mərhum gəmi komandiri İqor Kşnyakinin qızı Anastasiya Kşnyakina Heydər Əliyev Beynəlxalq Aeroportunda Bakı-Qroznı reysini yerinə yetirən “Embraer-190” tipli sərnişin təyyarəsinin qəzaya uğraması nəticəsində həlak olan ekipaj üzvləri ilə vida mərasimində bildirib.

“Atam hər zaman “həyatını mənim idarə etdiyim təyyarəyə etibar edən sərnişinləri ünvan başına sağ-salamat çatdırmaq mənim borcumdur” deyərdi. Həmin faciə günü də sərnişinlərin və ekipajın həyatını xilas edə bilmək üçün əlindən gələni etdi. Təyyarəni nəyin bahasına olursa-olsun yerə otuzdura bildi. Bununla da o bütün dünyaya bir daha əyani olaraq qəhrəmanlar necə olur sübut etdi”, – o vurğulayıb.