İşğaldan azad olunan ərazilərdə “Təhlükəsiz məktəb” layihəsi həyata keçirildi

İşğaldan azad edilən ərazilərdə yerləşən bir sıra ümumtəhsil müəssisələrində “Təhlükəsiz məktəb” sosial layihəsi çərçivəsində maarifləndirici təlimlər təşkil olunub.

Bu barədə Fövqəladə Hallar Nazirliyindən məlumat verilib.

Təlimlər məktəblilərin fövqəladə hallar zamanı düzgün davranış qaydaları, təhlükəsizlik vərdişləri və təxliyə barədə biliklərinin artırılması, onların risklərə qarşı hazırlıq səviyyəsinin yüksəldilməsi məqsədilə keçirilib.

Nəzəri hissədə mina təhlükəsindən qorunmağın yolları, qaz, elektrik və yanğın təhlükəsizliyi, liftdən istifadə qaydaları, ilk yardım barəsində ətraflı məlumat verilib, suallar cavablandırılıb.

Praktiki hissədə isə şərti fövqəladə hadisə ilə əlaqədar qüvvələrin operativ şəkildə əraziyə cəlb edilməsi, məktəblilərin təxliyəsi və “fəsadların” aradan qaldırılması əməliyyatları icra olunub.