İsmayıllıda ağacəkmə aksiyası keçirilib

İsmayıllı rayonunda “Heydər Əliyev İli” çərçivəsində “Bir ağac-bir dünya” başlığı altında ağacəkmə aksiyası keçirilib.

Aksiyada Rayon İcra Hakimiyyətinin rəhbər şəxsləri, müəssisə və təşkilat rəhbərləri və rayon sakinləri iştirak ediblər. Yeni yaşıllıq zolaqlarının salınması işləri rayonun bir sıra kəndlərində də həyata keçirilir.

Şəhərin giriş hissəsində yol kənarları boyunca Eldar şamı, akasiya ağacları, eləcə də digər həmişəyaşıl dekorativ bitkilər əkilib. Aksiyanın məqsədi ətraf mühitin mühafizəsi, yaşıllıq zolaqlarının artırılması, şəhərin ekoloji tarazlığının bərpası, həmçinin insanlar arasında təbiətə qayğı hissinin təbliğidir.