İsmayıllıda bayram xonçaları bəzədilib, tonqal qalanıb

Qədim tarixə, zəngin mədəniyyətə malik olan İsmayıllıda Novuruz bayramı qeyd olunub.

Tədbirdə İsmayıllı Rayon İcra Hakimiyyətinin başçısı Nahid Bağırov, hüquq-mühafizə orqanlarının rəhbərləri, ictimaiyyət nümayəndələri, şəhid anaları, qazilər, rayon sakinləri iştirak ediblər.

Şəhər mərkəzi meydanı bayram ruhunda bəzədilib. Burada Novruz xonçaları, milli mətbəx nümunələri, İsmayıllıda istehsal olunan sənaye məhsulları və əl işləri sərgilənib.

Rayon rəhbəri və qonaqlar sərgi ilə tanış olublar, İsmayıllıda yaşayan azsaylı xalqların folklor qruplarının çıxışlarını izləyiblər. Rayonun gənc idmançıları və pəhləvanlar öz bacarıqlarını gələn qonaqlara nümayiş etdiriblər.

Rayon İcra Hakimiyyəti başçısı Nahid Bağırov bayram münasibətilə İsmayıllı sakinlərini təbrik edib, xoş günlər, firəvan həyat arzulayıb. Sonra rayon rəhbəri şəhid atası ilə birlikdə bayram tonqalını alovlandırıb.