İsmayıllıda daha bir kəndə qaz verildi

Aprelin 18-də İsmayıllı rayonunun Ağbulaq kəndi mavi yanacaqla təmin olunub.

Bununla bağlı kənddə açılış mərasimi keçirilib. Tədbirdə Rayon İcra Hakimiyyətinin rəhbər və məsul şəxsləri, idarə və müəssisə rəhbərləri, ictimaiyyət nümayəndələri iştirak ediblər.

Rayon İcra Hakimiyyətinin başçısı Nahid Bağırov öz çıxışında ölkə ərazisində, eləcə də rayonda həyata keçirilən layihələrdən və əhalinin mavi yanacağa olan təlabatının ödənilməsi istiqamətində görülən işlərdən söhbət açıb.

Ağbulaq kəndinə qazın çəkilməsini sakinlər də sevinc hissi ilə qarşılayıblar. Onlara göstərilən yüksək diqqət və qayğıya görə minnətdarlıqlarını ifadə ediblər.

Tədbirdə həmçinin Rayon İcra Hakimiyyətinin rəhbərliyi kənd sakinlərinin arzu və təkliflərini dinləyib, onları narahat edən digər problemlərin də yaxın gələcəkdə aradan qaldırılması istiqamətində işlərin görüləcəyi qeyd edilib.