İtkin düşən ana və övladları tapıldı | Qadının evdən qaçma səbəbi bilindi

Sumqayıtda 14 gündür itkin düşən ana və iki övladı tapılıb.

Bu barədə Xəzər TV-də yayımlanan “Təsir dairəsi” verilişində məlumat verilib.

Belə ki, 14 gündür itkin düşən 33 yaşlı Şəbnəm Alıyeva azyaşlı iki övladı – 12 yaşlı Ayan və 11 yaşlı Ayxan ilə canlı efirə qoşulublar. Canlı efir zamanı anasının suallarına cavab verən Şəbnəm ağlamaqdan yorulduğunu, heç kimin ona sahib çıxmadığını və artıq yaşamaq istəmədiyini bildirib. O, evdən uşaqlarını da götürüb getməyinə səbəb kimi yoldaşı ilə aralarında olan problemi əsas gətirib.

Qeyd edək ki, bir neçə gün əvvəl Baku TV qadının yaşadığı Sumqayıt şəhəri, 4-cü mikrorayon, 24 saylı binada olub. Qonşuların sözlərinə görə, Şəbnəmgil sakit ailə olublar.