İtkin şəhidin ailəsinin gözü yollardadır | İstəyirəm ki, oğlumun adı əbədiləşdirilsin

Baku TV İkinci Qarabağ müharibəsi zamanı itkin düşən şəhid Elnur Qədirlinin evindən reportaj hazırlayıb.

Elnur Qədirli Vətən müharibəsi zamanı Suqovuşanın azadlığı uğrunda gedən döyüş əməliyyatları zamanı itkin düşüb. Uzunmüddətli axtarışlar nəticə vermədiyindən ona şəhid statusu verilib.

Şəhidin anası Gülxar Abdullayeva oğlunun tapılmasını arzu edir:

“Şəhid analarına həmişə deyirəm ki, ağlamayın. Sizin balanız yanınızdadır, darıxanda məzarına gedirsiniz. Mən hara gedim, harada ağlayım?! 4 ildir oğlumun şəkilləri ilə yaşayıram”.

G.Abdullayeva oğlunun adını daşıyan məktəb və ya küçə olmasını istəyir: “Oğlumun adı əbədiləşdirilsin, ürəyim bir az sakitləşsin”.