Jurnalist Səbuhi Məmmədli müalicə aldığı klinikada vəfat etdi

Jurnalist Səbuhi Məmmədli vəfat edib.

Məlumata görə, o, yanvarın 17-də gecə saatlarında müalicə aldığı klinikada 54 yaşında dünyasını dəyişib.

Xatırladaq ki, uzun müddətdir xəstə olan Səbuhi Məmmədlinin vəziyyəti bir neçə gün öncə yenidən pisləşib. Yeni Klinikaya köçürülən jurnalist “Xroniki böyrək çatışmazlığı üzrə Tədbirlər Proqramı” çərçivəsində hemodializ müalicəsi alıb. Ona kəskin tənəffüs çatışmazlığı diaqnozu qoyulmuşdu. Səbuhi Məmmədli şəkərli diabet, ürək və böyrək çatışmazlığı, ağciyərin pnevmoniyasından əziyyət çəkirdi.

2022-ci ildə jurnalistdə aşağı ətrafların qan damarı mənşəli ağırlaşmış xroniki xəstəliyi aşkarlanıb. Aparılan müalicələrə tabe olmadığı üçün onun sol ayağı, 2023-cü ildə isə sağ ayağı amputasiya edilib.

Səbuhi Məmmədlinin doğulduğu Ucar rayonunun Müsüslü kəndində dəfn ediləcəyi bildirilir.