Kaş qardaşımın sümüklərini görərdim... | İtkin düşən hərbçilərimizin ailələri toplaşdı
Avqustun 30-u dünyada Beynəlxalq İtkinlər Günü kimi qeyd edilir.
Məlumdur ki, 1988-ci ildən etibarən Ermənistanın Azərbaycana qarşı irəli sürdüyü əsassız ərazi iddiaları və həyata keçirdiyi işğal faktı ilə bağlı ölkəmiz silahlı münaqişəyə cəlb edilib, Ermənistan silahlı birləşmələri tərəfindən mülki azərbaycanlı əhali kütləvi şəkildə qətlə yetirilib, əsir, girov götürülüb.
Əsir və itkin düşən, girov götürülən vətəndaşlarla əlaqədar Dövlət Komissiyasından verilən məlumata görə, Ermənistanın Azərbaycana qarşı hərbi təcavüzü nəticəsində 3 968 nəfər itkin düşən şəxs kimi qeydiyyata alınıb. Onlardan 3 962 nəfəri Birinci Qarabağ müharibəsində, 6 nəfəri isə Vətən müharibəsində itkin düşüb.
Ermənistanın rəsmi şəxsləri itkin düşən azərbaycanlıların dəfn yeri barədə onlarda məlumatların olduğunu bəyan etmələrinə baxmayaraq, bu məlumatlar hələ də Azərbaycana təqdim edilmir. Halbuki bu məsələ beynəlxalq təşkilatların vasitəçiliyi ilə
Ermənistan tərəfinin diqqətinə çatdırılıb. İtkin Çingiz Zeynalovun bacısı 32 ildir qardaşının yolunu gözlədiyini söyləyib:
“Qardaşım Çingiz 23 yaşında könüllü olaraq hərbiyə gedib. Zəngilan uğrunda döyüşlərdə itkin düşüb. Bu günə kimi gözümüz yollardadır. Mən də qardaş yolu gözləyirəm. Allaha gecə-gündüz yalvarıram ki, heç olmasa, qardaşımın sümüklərini görə, məzarı başında ağlaya bilərdim”.
![icon](/images/loading.png)