Keçmiş döyüşçülər azad olunan Aşağı Əskipara kəndində | Heç unutmarıq ki...

Qazax rayonunun Ermənistanın işğalı altında olan dörd kəndinin Azərbaycana təhvil verilməsindən bir il keçir. Həmin 4 kənddən biri Aşağı Əskiparadır.

1992-ci ilin 14 iyun tarixində sakinlər yurd-yuvalarından məcburi şəkildə çıxarılana qədər Əskipara kəndi hər gün erməni silahlı birləşmələri tərəfindən hədəfə alınır, gülləbaran edilirdi.

Qazaxın müxtəlif ərazilərində məskunlaşmalı olan Aşağı Əskipara sakinləri indi doğma el-obalarına qayıdacaqları günü səbirsizliklə gözləyirlər.

“Belə hallar dünya təcrübəsində az olub. Torpaqlarımız bir güllə atılmadan, şəhid verilmədən geri qayıtdı. Sevincimizi sözlə demək mümkün deyil”, – keçmiş döyüşçü Yaşar Qasımov deyib.

Qeyd edək ki, Azərbaycan ilə Ermənistan arasında dövlət sərhədinin delimitasiyası üzrə Dövlət Komissiyasının görüşündə əldə olunan razılaşma çərçivəsində Qazaxın 4 kəndi 24 may 2024-cü ildə Azərbaycana təhvil verilib.