Kəlbəcərdə ölümlə nəticələnən qəza | DİN məlumat yaydı

Dekabrın 17-də Kəlbəcərin Qamışlı kəndi ərazisində ölümlə nəticələnən yol nəqliyyat hadisəsi baş verib.

Bu barədə Daxili İşlər Nazirliyi məlumat yayıb. Qeyd edilib ki, Rayon Polis Şöbəsinə əməkdaşları hadisə yerinə gələrək müvafiq tədbirlər həyata keçirib.

İlkin araşdırmalar zamanı məlum olub ki, Bakı şəhər sakini Rəhimov soyadlı şəxs idarə etdiyi yük avtomobili ilə hərəkətdə olarkən idarəetməni itirib və nəqliyyat vasitəsi çay yatağına aşıb. Sürücü hadisə yerində dünyasını dəyişib.

Faktla bağlı araşdırmalar davam etdirilir.