"Kim mən bişirəndən yeyirsə, bir də gəlir" | Turistlərin ürəyi getdiyi Quba qutabı - Baku TV

Turizm məkanlarından olan Qubaya hər il minlərlə turist üz tutur. Bölgəyə gələn turistlərin üstünlük verdiyi təamlardan biri də qutabdır.

Yol kənarlarında, xüsusilə turizm mərkəzlərində kənd sakinlərinin qutab bişirib turistlərə təqdim etdiyini görmək mümkündür. Milli mətbəximizin ləziz təamlarından olan qutab həm yerli, həm də xarici turistlərin marağına səbəb olur.

“Beş ildir burada qutab bişirirəm. Mənim qutablarımdan dadan hər kəs ləzzətindən doymur. Sevgi qatılmasa, qutab da ləzzətli olmaz. Bakıdan, eləcə də uzaq yerlərdən gələnlər çox olur. Ərəb ölkələrindən, Amerikadan, Türkiyədən gələn turistlər də qutablarımızın dadına baxırlar. Bəyənənlər hətta gedərkən özləri ilə aparırlar”, – deyə qutabçı bildirib.

“Mən Birləşmiş Ərəb Əmirliklərindənəm, Dubaydan gəlmişəm. Azərbaycanı çox sevirəm. Artıq bir-iki ildir ki, buraya gəlirəm. Quba, Şahdağ və Şəkidə olmuşam. Azərbaycan çox gözəldir”, – deyə turistlərdən biri bildirib.