Kimə yaxınlaşırsan, normal reaksiya vermir | Xəstəxanalarda onlayn sistem niyə çökdü?

38 saylı şəhər poliklinikasında onlayn sistem çöküb.

Vətəndaşlar bildiriblər ki, sağlamlıq haqqında arayış ala bilmirlər. Elə sistemin işləməməsi səbəbindən də tibb müəssisəsində sıxlıq yaranıb.

“Camaatı zülmə salıblar. Yaşlı adamıq, yol keçə bilmirik. Belə şey olar? Yollarda qalmışıq, iki aydan çoxdur ki, onlayn sistem işləmir”, – sakin narazılığını bildiirb.

Məsələ ilə bağlı TƏBİB-dən bildirilib ki, bu gün səhər saatlarından etibarən bəzi tibb müəssisələrində müraciət sayının çoxluğu ilə əlaqədar xəstəxana idarəetmə sisteminin işində texniki yüklənmələr yaranıb:

“Artıq mütəxəssislər tərəfindən optimizasiya işləri aparılıb, sistemin işi tam bərpa olunub. Qeyd edək ki, “Ali məktəblərə, kolleclərə, liseylərə daxil olan abituriyentlər və işə qəbul olunanlar üçün” sağlamlıq haqqında arayışların əldə olunmasına dair tibb müəssisələrinə müraciət sayında kəskin artım müşahidə olunur”.