Kiyevin müdafiəsində iştirak edən azərbaycanlı mükafatlandırıldı

2022-ci ilin fevralın 24-dən Ukraynada davam edən genişmiqyaslı müharibə zamanı paytaxt Kiyev bir aydan çox mühasirədə olub.

Həmin dövrdə şəhərin müdafiəsini demək olar ki, könüllülər təşkil etmişdi. Onların arasında soydaşlarımız da az olmayıb.

Kiyevin müdafiəsində duran həmyerlilərimizdən biri – əslən Azərbaycanın Zaqatala rayonundan olan Şamxal Quliyevdir. O, Kiyev hərbi administrasiyası tərəfindən “Kiyevin müdafiəsinə görə” medalı ilə təltif edilib. Şamxal bu mükafata layiq görülən ilk azərbaycanlıdır.

Qeyd edək ki, Ş.Quliyev əsasən humanitar yardımların çatdırılmasında aktivlik nümayiş etdirib. Belə ki, o, ötən il Kiyev mühasirədə olan zaman və Rusiyanın qəfil hücumu ilə əlaqədar iaşə obyektlərinin fəaliyyətinin dayandığı zaman əhaliyə və özünü müdafiə hissələrinə yardımların intensiv çatdırılmasını təmin edib.