Körpələrin yuxu rejimini pozan amillər | Mütəxəssisdən vacib məsləhətlər

Yaxşı yuxu yatmaq uşaq üçün vacibdir. Çünki o, fiziki və zehni inkişafı dəstəkləyir, immunitet sistemini gücləndirir və emosiyaların öhdəsindən gəlməyə kömək edir.

Alimlər yatmazdan əvvəl ekran qarşısında qalma vaxtının azaldılmasının uşaqların yuxu keyfiyyətinə müsbət təsir etdiyini sübuta yetiriblər.

Bununla bağlı araşdırma aparılıb. Tədqiqatda 16-30 aylıq uşaqları olan 105 ailə iştirak edib.

Valideynlər iki qrupa bölünüblər. Birinci qrupda onlardan yatmazdan bir saat əvvəl televizorlara baxmağı tamamilə ləğv etmələri istənilib. Onun oxuma, tapmaca və ya oyunlar kimi sakit fəaliyyətlərlə əvəz edilməsi təklif edilib. İkinci qrupda valideynlərə ekran vaxtı ilə bağlı konkret göstərişlər verilməyib.

Nəticələr göstərib ki, birinci qrupdakı körpələrin yuxu keyfiyyəti yaxşılaşıb. Uşaqlar daha tez yuxuya gediblər. Həmçinin yuxuları daha sabit, gecə oyanmaları isə nisbətən az olub. Bu, yatmazdan əvvəl ekran vaxtının körpələrin təbii yuxuya hazırlıq proseslərini pozduğunu təsdiqləyir.