Cəmiyyət
Pleyeri seçin:
Kürdə suyun səviyyəsi kəskin azalıb
Azərbaycanın ən böyük çayı, ölkənin isə əsas şirin su mənbəyi olan Kürdə suyun səviyyəsi yenə kəskin azalmağa başlayıb.
Bu vəziyyət daha çox çayın aşağı axın hissəsində, yəni Salyan və Neftçala rayonlarında müşahidə olunur.
Neftçala sakini Məmməd Bayramov deyir ki, heyvanlar su içə bilmirlər, həyətlərdə ağaclar məhv olur: “Su çəkiblər, amma o da 10 dəqiqə verilir və kəsilir. Həmin su da yodludur, ağacları məhv edir. Bizə Kürün suyu lazımdır".
Ekspert Sahib Həsənovun sözlərinə görə, yayın oğlan çağında Kür çayında suyun səviyyəsinin təxminən iki metr aşağı düşməsi təşviş və narahatlıq doğurur: “10-12 gün əvvəl Kürdə suyun səviyyəsi normal idi. Bunun səbəbləri araşdırılmalıdır”.
Qeyd edək ki, Kürdə suyun səviyyəsinin hər gün bir neçə santimetr azaldığı müşahidə olunur.
Kopyalandı
Seçilmişlər
