Kürdəmirdə qızılca xəstəliyinə yoluxanların sayı açıqlandı

Son günlər ölkənin bir neçə bölgəsində olduğu kimi Kürdəmirdə də qızılca xəstəliyinə yoluxanların sayında kəskin artım müşahidə olunur.

Son 10 gündə rayonu cənginə alan qızılca xəstəliyi bir çox kəndlərə də yayılıb.

Rayon xəstəxanasından verilən məlumata görə, bu səbəblə bağlı xəstəxanaya 60-a yaxın müraciət daxil olub. Hazırda onlardan 9-u stasionar müalicə alır, digərləri isə ambulator müalicə olunaraq evə buraxılıblar.

Qeyd edək ki, rayon ərazisində qızılcaya yoluxma faktının böyük əksəriyyəti azyaşlı uşaqlar arasında qeydə alınsa da, bu xəstəliyə orta yaş qrupunda da yoluxma halları müşahidə olunur.