Laçının Sus kəndində 32 ildən sonra körpə səsi eşidildi | Duyğulandırıcı anlar

Laçın rayonunun işğaldan azad edildikdən sonra yenidən salınan Sus kəndində ilk körpə dünyaya gəlib.

Körpənin valideynləri – Anar və Lamiyə Yolçulular bu ilin may ayında doğma yurda qayıdıb və burada onlara verilən fərdi evdə daimi məskunlaşıblar. Onların hər ikisi məcburi köçkün ailənin övladlarıdır.

Körpənin atası Anar Yolçulu qardaşı ilə birlikdə 44 günlük Vətən müharibəsində torpaqların işğaldan azad edilməsi uğrunda döyüşüb. Onun atası Nüsrət Yolçulu isə Birinci Qarabağ müharibəsinin veteranıdır.