Məşhur şirkətdə "ipoteka əməliyyatı"

Bakıda insanlardan pul alıb onlara güzəştli ipoteka ilə evlərin alınması vədlərini verən şirkətin əməkdaşları haqqında polisə şikayət daxil olub.

Şikayətçilər “Evimiz” ipoteka şirkətinin direktorunun və işçilərinin onlardan müxtəlif məbləğlərdə pul alaraq aldatmasını iddia ediblər.

Daxili İşlər Nazirliyinin mətbuat xidmətindən bildirilib ki, məsələ ilə bağlı araşdırma aparılır və ictimaiyyətə əlavə məlumat veriləcək. Şirkətin təsisçisi Vüqar adlı şəxslə əlaqə saxlanılsa da, bu məsələnin ona heç bir aidiyyəti olmadığını bildirib.

Qeyd edək ki, Vüqar Əmrahov şirkətin direktoru Ramin Əmrahovun qardaşıdır.