Mingəçevirdə əxlaqsızlıq yuvasına çevrilən ərazi

Mingəçevirin Heydər Əliyev küçəsindəki xarabalığa çevrilmiş məktəbəqədər təhsil müəssisəsinin binasında biabırçı vəziyyət hökm sürür.

Sakinlərin sözlərinə görə, köhnə tikili əxlaqsızlıq və narkomaniya yuvasına çevrilib.

Onlar ortadakı mənzərə qarşısında övladlarının tərbiyəsindən və sağlamlığından narahatdırlar:

“Bura bizim kabusumuzdur. Bura Mingəçevir şəhərinin narkomaniya yuvasıdır. Dəfələrlə narkomanları qovmağımıza, polisi çağırmağımıza baxmayaraq, bir faydası yoxdur. Bu vəziyyətdə yaşayış olmaz. Binanın ətrafı açıq vəziyyətdə olduğuna görə həm də sahibsiz itlərin yaşayış məskəninə çevrilib. Elə bil fermada yaşayırıq, heç fermada belə vəziyyət yoxdur”.