“Miniboss Biznes Məktəbi”nin tələbələri Dünya Çempionatında birinci oldu

“Miniboss Biznes Məktəbi”nin tələbələri Startaplar üzrə dünya çempionatında qalib olublar.

Azərbaycanlı tələbələr Türkiyənin İstanbul şəhərində 6-17 yaşlı uşaqlar və yeniyetmələr arasında keçirilən çempionatda “Qlobal mühitin inkişafı üçün” startaplar içərisində 1-ci yerə layiq görülüblər.

20-dən çox ölkədən nümayəndənin iştirak etdiyi tədbirdə ən yüksək nəticə göstərərək superfinalda “Çayxor” komandası birinci yerə çıxıb. Onlar innovativlik, mənfəətlilik, layihənin əhatə dairəsi, mediada işıqlandırma, münsiflər heyətinin sualını cavablama göstəricilərinə görə 23 komandanı geridə qoyublar.

İnnovativ sərbəst sahibkarlıqda startaplar kateqoriyası üzrə “AzBathty” komandası 2-ci yerə, qlobal mühitin inkişafı üçün startaplar kateqoriyası üzrə 3-cü yerə “Sketchio” və “Ecoleaf” komandaları layiq görülüblər.

Digər 3 biznes layihə isə BMT-nin dayanıqlı inkişaf məqsədlərinə uyğun xüsusi qızıl mükafatı qazanıblar. Bu medallara layiq görülən komandalar “Meyvali”, "Dill Buzz” və “Kharı Touch” olublar.

“Miniboss Biznes M əktəbi”nin Azərbaycanda təsisçisi olan Nərminə Həsənova ikinci dəfə “İlin ən yaxşı franşızası sahibi” adını qazanıb.

Digər filial direktorları arasında ilboyu nümayəndəliyin effektiv idarəedilməsi ilə seçilən Alina Xələfova isə “İlin direktoru” sertifikatına layiq görülüb.

Pedaqoji fəaliyəti ilə seçilən “Miniboss Biznes Məktəbi”nin müəllimi Ülkər Əhmədova isə digər filiallardan olan müəllimlərlə yanaşı, sertifikatla təltif olunub.