MN-dən son dəqiqə məlumatı | Ermənilər atəşkəsi pozdu

Azərbaycan Ordusunun mövqeləri atəşə tutulub.

Bu barədə Müdafiə Nazirliyindən məlumat verilib.

Bildirilib ki, martın 19-u saat 19:00-dan 19:10-dək Ermənistan silahlı qüvvələrinin bölmələri Keşişkənd rayonunun Arpa yaşayış məntəqəsi istiqamətində yerləşən mövqelərindən Azərbaycan Ordusunun mövqelərini atıcı silahlardan atəşə tutub.

Xatırladaq ki, ötən gün Ermənistanın Baş naziri ölkənin Müdafiə Nazirliyinə təlimat verdiyini, atəşkəs rejimini pozmamağı tapşırdığını qeyd edib. Nikol Paşinyan bunu sosial şəbəkə hesabında yazıb.

"Ermənistanla Azərbaycan arasında sülh müqaviləsinin layihəsi razılaşdırılıb və imzalanmağı gözləyir. Ermənistan müharibəyə deyil, sülhə doğru gedir", – deyə o qeyd edib.

Lakin sülh müqaviləsini imzalamağa hazır olduğunu bildirən rəsmi İrəvanın əməlləri bunun tam əksini göstərir.