MN rəhbərliyi Ulu Öndərin və şəhidlərimizin məzarını ziyarət etdi

26 İyun – Silahlı Qüvvələr Günü və Azərbaycan Ordusunun yaradılmasının 106-cı ildönümü münasibətilə Müdafiə Nazirliyinin rəhbərliyi və bir qrup hərbi qulluqçu Ümummilli Lider Heydər Əliyevin və şəhidlərimizin məzarlarını ziyarət ediblər.

Sonra suverenliyimiz uğrunda şəhid olan vətəndaşlarımızın məzarlarına gül dəstələri qoyulub.

Həmçinin torpaqlarımızın ərazi bütövlüyü uğrunda canlarını fəda etmiş şəhidlərimizin İkinci Şəhidlər xiyabanında məzarları üzərinə güllər düzülüb, ruhları dərin hörmət və ehtiramla anılıb.

Müdafiə naziri general-polkovnik Zakir Həsənov və digər rəhbər heyət həmçinin şəhid ailələri və yaxınları ilə görüşüb, onların qayğıları ilə maraqlanıb.