Mobil telefonlar ucuzlaşır? - qiymətlərdəki dəyişiklik açıqlandı

Azərbaycana şəxsi istehlak üçün gətirilən mobil telefonların qeydiyyata alınması üçün tələb edilən rüsumun endirilməsi təklif olunur.

“Dövlət rüsumu haqqında” qanuna ediləcək dəyişikliklə rüsumun 5-50 manat aralığında azaldılması nəzərdə tutulur.

İqtisadçı Rəşad Həsənovun sözlərinə görə, rüsumların endirilməsi ölkəyə şəxsi istifadə üçün mobil telefon gətirənlərin xərclərini azaltmaqla yanaşı, satışda olan məhsulların qiymətinə də təsir edəcək.

Qeyd etmək lazımdır ki, əvvəllər sözügedən rüsum 5 manat olub. Nazirlər Kabinetinin 31 iyul 2018-ci il tarixli qərarı ilə rüsumun məbləği mobil telefonun qiymətindən asılı olaraq 20-150 manat aralığında müəyyən edilib.