Cəmiyyət
Pleyeri seçin:
MTK ilə ev sahibi üz-üzə gəldi | Şirkət faktdan boyun qaçırdı
Paytaxtın Həsən Əliyev 70, mənzil 5 ünvanında yaşayan vətəndaş Baku TV-nin qaynar xəttinə evinin girişinin MTK tərəfindən hasarlanması ilə bağlı şikayət ünvanlayıb.
Baku TV-nin əməkdaşı məsələni aydınlaşdırmaq üçün sözügedən ünvanda olub. Məlum olub ki, həqiqətən də, vətəndaşın evinin qarşısı dəmir konstruksiya ilə hasarlanıb.
“Biz 1974-cü ildən burada yaşayırıq. Evimizə qonşunun qapısından girib-çıxırıq. Bizim burada həmişə qapımız, pəncərəmiz olub. Tikəndən sonra bunlar bizimlə mübahisə etməyə başladılar, “qapı-pəncərə olmaz” dedilər. On gündür ki, buranı hasarlayıblar. Heç nə edə bilmədik, bizə imkan vermədilər ki, müdaxilə edək”, – deyə mənzil sahibi şikayətini bildirib.
Tikinti şirkətinin rəsmisi isə bildirib ki, vətəndaşın evi köhnə tikilidir və əvvəllər evin həmin hissəsində nə pəncərə olub, nə də qapı. Vətəndaş mənzilində sonradan təmir-bərpa işləri apararaq evin MTK-nın ərazisinə düşən hissəsində pəncərə və qapı açıb.
Kopyalandı
Seçilmişlər
