Müdafiə Nazirliyi Ermənistanın yaydığı məlumatı təkzib etdi

“Aprelin 29-u guya Azərbaycan Ordusunun bölmələri tərəfindən açılan atəş nəticəsində Dığ yaşayış məntəqəsi istiqamətində Ermənistan Silahlı Qüvvələrinin hərbi qulluqçusunun yaralanması barədə Ermənistan Müdafiə Nazirliyinin yaydığı məlumatı qəti surətdə təkzib edirik”.

Bu barədə Müdafiə Nazirliyindən bildirilib. Nazirliyin məlumatında qeyd olunub ki, bu, Ermənistanın növbəti dezinformasiyadır. Görünən odur ki, Ermənistan Ordusunda şəxsi heyət arasında nizam-intizam və hərbi nizamnamədənkənar münasibətlər ciddi problem olaraq qalmaqdadır.