Nanənin 5 mühüm faydası açıqlandı | Diyetoloq nələri məsləhət gördü?

Nanə insanlar üçün çox faydalı bitkidir, yemək və içkilərə dad verməklə yanaşı, orqanizmə də müsbət təsir göstərir.

Bu barədə diyetoloq Nika Serqunina danışıb. O, nanənin beş faydalı xüsusiyyətini sadalayıb. Qeyd edib ki, nanə tərkibində olan mentol sayəsində kariyes, periodontal xəstəlik və stomatit zamanı diş ətinin ağrısını və iltihabını azaltmağa kömək edir.

Bundan əlavə, nanə xoşagəlməz qoxunu aradan qaldırır və ağızda patogen bakteriyaların qarşısını alır. Nanə yeməkdən sonra yaranan ağırlıq hissini, qarında şişkinliyi, ağrıları və spazmı aradan qaldırır, həmçinin bağırsaq divarlarının hamar əzələlərinə rahatlaşdırıcı təsir göstərir.

N.Serquninanın fikrincə, nanə sinir sistemi üçün çox faydalıdır. Həmçinin hipertoniya və angina zamanı qan təzyiqi, eləcə də ürək döyüntüsünü normallaşdırır.

Nanə immunitet sisteminə də müsbət təsir göstərir. Mütəxəssis qeyd edib ki, nanə yağı və yarpaqları I və II tip herpes virusunun, eləcə də tənəffüs orqanlarının xəstəliklərinə səbəb olan virusların fəaliyyətinin qarşısını alır.