Naxçıvan istiqamətində mövqelərimiz atəşə tutuldu

Naxçıvan istiqamətində mövqelərimiz atəşə tutulub.

Bu barədə Müdafiə Nazirliyindən məlumat verilib.

Qeyd olunub ki, aprelin 9-u saat 16:00-dan 16:50-dək Ermənistan Silahlı Qüvvələrinin bölmələri Keşişkənd rayonunun Arpa yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Şərur rayonunun Cəhazir yaşayış məntəqəsi istiqamətində yerləşən mövqelərini müxtəlif çaplı atıcı silahlardan atəşə tutub.

“Ordumuzun bölmələri tərəfindən qeyd olunan istiqamətdə adekvat cavab tədbirləri görülüb”, – deyə Nazirliyin məlumatında bildirilib.