"Neçəsini kürəkənim tutub, pul verib ki..." | Əhali dəhşət içində yaşamaqdan təngə gəlib - Baku TV

Qazaxda sakinlər sahibsiz itlərin əlindən təngə gəldiklərini bildirirlər.

Şikayətçilərin sözlərinə görə, aidiyyəti qurumlara dəfələrlə müraciət olunsa da, problem hələ də həllini tapmayıb.

Sakinlərin sözlərinə görə, itlər yalnız gecə saatlarında deyil, gündüz vaxtı da sürü ilə gəzərək təhlükə yaradırlar.

Məlumata görə, 75 yaşlı qadın günün günorta çağı küçədə sahibsiz itin hücumuna məruz qalıb.

Hücum nəticəsində xəsarət alan Validə Nəsibova baş verənlər haqqında Baku TV-yə danışıb.

“Aidiyyəti quruma dəfələrlə müraciət etmişik, amma heç bir tədbir görülmür. Bütün gecə hürürlər, uşaqlar küçəyə çıxa bilmirlər. Mənə də hücum etdilər. Ayağım bərk şişmişdi, qaralmışdı. İndi beş dəfə quduzluq əleyhinə iynə vurdurmalıyam. Hətta kürəkənim bir neçə iti taksi ilə aparıb uzaq ərazilərə buraxıb. Bir it hürən kimi digərləri də toplanıb adamın üstünə cumur”, – o söyləyib.