Pleyeri seçin:
Neytral ərazidə qalan yaralı hərbçimizin ailəsi "Baku TV"yə danışdı
Sentyabrın 19-da Azərbaycan Ordusunun həyata keçirdiyi lokal xarakterli antiterror tədbirləri zamanı 2 ayağından yaralanan, 24 saat ərzində terrorçuları ağ bayraq qaldırmağa məcbur edən qəhrəmanlarımızdan biri də Yusif Abışovdur.
Yaralı olmağına baxmayaraq, “Qarabağ Azərbaycandır!” deyən hərbçimizin ailəsi Baku TV-yə danışıb
“Uşaq olanda söyləyirdi ki, mən qaytaracağam torpaqlarımızı. Deyirdim, oğlum sən balacasan. Sən böyüyəndə artıq bu müharibə olmayacaq. Həqiqətən də, onun dediyi oldu. 44 günlük Vətən müharibəsində də iştirak etdi”, – Y.Abışovun anası deyib.
Qeyd edək ki, Yusif Abışov 1997-ci il dekabrın 27-də Neftçalanın Xolqaraqaşlı kəndində dünyaya göz açıb. O, 5 ildir Vətənin xidmətindədir.
Kopyalandı
