Niyə bəzi insanlar kabus görürlər? | Alimlərdən maraqlı açıqlama

Alimlər bəzi insanların kabus görmələrinin dörd səbəbini açıqlayıblar.

Qeyd olunub ki, bu, tibbi və psixoloji xarakter daşıyır.

İnsanların kabus görməsinin əsas səbəblərindən biri yuxu iflicidir.

Bu sindromdan əziyyət çəkənlər döş qəfəsində təzyiq hissi olduğunu bildirirlər və qorxulu fiqurlar da daxil olmaqla qarabasmalar görə bilərlər.

Müasir elm bunun niyə baş verdiyini izah etməkdə acizdir. Lakin yuxusuzluqdan, travma sonrası stres pozğunluğundan və həyəcan hissindən əziyyət çəkən insanlarda daha çox rast gəlindiyi bilinir.

Kabus görməyin ikinci səbəbi başağrısı, huşun aydın olmaması, başgicəllənmə və ürəkbulanmasına gətirib çıxaran karbonmonoksit zəhərlənməsi, o cümlədən kabus şəklində hallüsinasiyalar ola bilər.

Alimlər hesab edirlər ki, beyində müəyyən anomaliyalar – epilepsiya, Parkinson xəstəliyi və bu kimi başqa amillər də kabus görməyə səbəb olur.

Yaxın insanın itkisindən sonra yaşanan kədər hissi siyahıda dördüncüdür. İnsanlar bir-birinə o qədər öyrəşirlər ki, ölümdən sonra yaxınının varlığını hiss edir, onun səsini eşidir, bəziləri isə obraz görürlər.

Qeyd edək ki, keçirilən sorğulara əsasən, Böyük Britaniyada insanların üçdəbiri və amerikalıların demək olar ki, yarısı kabuslara, ruhlara və digər paranormal fəaliyyət növlərinə inandıqlarını deyiblər. Respondentlərin hər beş nəfərdən biri, həqiqətən, kabus gördüyünü, hər 10 nəfərdən biri isə ölülərlə birbaşa əlaqə saxladığını bildirirlər.