Ölüm anında bədəndə nə baş verir? - 100 illik sirr müzakirələrə səbəb oldu

XX əsrdə amerikalı həkim Duncan MakDougall tərəfindən aparılan qeyri-adi təcrübə bir əsrdən çox vaxt keçməsinə baxmayaraq, hələ də mübahisə mövzusu olaraq qalır.

Həkimin iddiasına görə, ölüm anında insan bədənindən təxminən 21 qram çəki itirir. O bu itkiyə səbəb kimi ruhun bədəni tərk etməsini göstərib və bu nəticəni “ruhun çəkisi” kimi təqdim edib.

Təcrübə cəmi 6 nəfər üzərində aparılsa da, bu iddia həm elmi dairələrdə, həm də ictimaiyyətdə geniş maraq doğurub. Lakin bir çox alim bu nəticələri qeyri-dəqiq və statistik baxımdan zəif hesab edərək rədd edib.

Tənqidlərə görə, ölüm anındakı çəki dəyişikliyi bədənin tərkibindəki maye və qazların çıxışı ilə izah oluna bilər. Buna baxmayaraq, “ruhun 21 qram çəkisi var” fikri zamanla məşhurluq qazanmağa başlayıb.

Bu konsepsiya sonradan “21 Qram” adlı məşhur Hollivud filmində də əsas mövzuya çevrilib. Lakin hələ də sözügedən tədqiqat elmi cəhətdən özünü doğrultmayıb.