Özəl tibb müəssisələrində peyvənd qiymətləri əl yandırır

Son vaxtlar dövlət tibb müəssisələrində qızılcaya qarşı peyvənd tapılmır.

Artıq 2-3 aydan çoxdur ki, ölkədəki əksər dövlət xəstəxanalarına qızılcaya qarşı peyvənd gətirilmir.

Maraqlısı isə odur ki, tapılmayan peyvənd özəl klinikalarda mövcuddur. Burada peyvəndin qiyməti 200 manatdır. Həkim müayinəsi isə buna daxil deyil.

Bununla bağlı Səhiyyə Nazirliyinin Mətbuat Xidmətindən bildirilib ki, növbəti dövr üçün peyvənd ehtiyatları artıq ölkə ərazisindədir:

“Rəsmiləşdirilmə prosesi ən qısa zamanda yekunlaşacaq və peyvəndlər tibb müəssisələrinə paylanacaq. Hər hansı peyvənd çatışmazlığı olan tibb müəssisələrinin təcili olaraq anbar ehtiyatlarından təmin olunması ilə bağlı göstəriş verilib”.