Pensiyası kəsilən fiziki məhdudiyyətli uşağın ailəsinin şikayəti

Xaçmaz şəhər sakini Aysel Bəşirova Baku TV-yə müraciət edərək azyaşlı övladının əlillik dərəcəsinin düzgün təyin olunmamasından şikayətçidir.

2012-ci ildə ailə həyatı quran Ayselin bir qız və bir oğlan övadı olub. Hər iki övladı fiziki məhdudiyyətli dünyaya gəlib. Aysel Bəşirova xəstəlik səbəbindən 8 yaşlı qızını itirib.

Onun sözlərinə görə, oğlu Yusifə 3 yaşında 2-ci qrup əlillik dərəcəsi təyin edilib, lakin 2 ildən sonra övladının pensiyası dayandırılıb.

Həyat yoldaşından ayrılan Aysel Bəşirova indi anasının yanına sığınıb. Maddi imkansızlıq səbəbindən övladını həkimə apara bilməyən ailə aidiyyəti qurumdan kömək istəyir.