Pişiklər sahibləri yanlarında olmayanda nə hiss edir? | Səhv bilinən məlumatlar

Pişiklərlə onların sahibləri arasındakı münasibətdə maraqlı faktlar aşkar edilib.

Psixoloqların fikrincə, pişiklər sahiblərinə qarşı kiçik uşaqlar kimi davranırlar və onların davranış nümunələri çox fərqlidir. Ənənəvi olaraq pişiklər hər zaman itlərdən daha “müstəqil” sayılıb. Ancaq pişiklər sahiblərinə düşündüyümüzdən də daha çox bağlıdır.

Bunu Oreqon Dövlət Universitetinin mütəxəssislərinin apardığı araşdırmanın nəticələri də sübut edib.

Belə ki, psixoloqlar pişik balalarının davranışlarını müşahidə ediblər. Əvvəlcə bala pişik bir müddət sahibi ilə otaqda olub, sonra isə tək qalıb. Heyvanların 60 %-i “təhlükəsiz davranış” nümunəsi nümayiş etdirib.

“Təhlükəsiz davranış” pişiklərin sahibləri ətrafda olmayanda kədərləndiyini, eyni zamanda sahibi ilə ünsiyyət və ətrafdakı dünyanı öyrənmək arasında tarazlıq qoruduğunu göstərib. Pişik sahibinin getdiyini bildikdə çox narahat olub. Sahibi qayıdanda belə heyvan özünü normal hiss etməyib.

Alimlərin qeyd etdiyi kimi, eyni davranış nümunələri uşaqlar üçün də keçərlidir. Bu isə o deməkdir ki, pişiklər sahiblərini öz valideynləri sayır.