Yeni Zelandiya 2050-ci ilə qədər vəhşi pişikləri öldürməyi planlaşdırır

Yeni Zelandiya 2050-ci ilə qədər bütün vəhşi pişikləri tamamilə məhv etməyi planlaşdırır.

Bu barədə ölkənin təbiəti mühafizə naziri Tamu Potaka istinadən "The Guardian" nəşri yazıb.

Vəhşi pişiklər 2016-cı ildə qəbul edilmiş və Yeni Zelandiyanın guya unikal faunasına xüsusi ziyan vuran yırtıcıların məhv edilməsini nəzərdə tutan "Yırtıcılardan Azad 2050" hökumət proqramına daxildir.

Məlumata görə, hazırda ölkədə 2,5 milyondan çox vəhşi pişik var. Vəhşi pişiklər avropalılar tərəfindən Yeni Zelandiyaya gətirilən ev pişiklərinin vəhşiləşmiş nəslidir.

Bildirilir ki, onlar Rakuira Stüart adasında punku quşunu və Ruapehu dağında yarasalar kimi nadir heyvan növlərini məhv etməklə yerli faunaya ciddi ziyan vururlar.

Potaka bildirib ki, biomüxtəlifliyi qorumaq üçün pişikləri oxlu kirpilər və siçanlar kimi digər zərərverici növlərlə birlikdə məhv etmək vacibdir. Bəzi ərazilərdə onlar artıq məhv edilir, lakin gələn ilə qədər onların tamamilə məhv edilməsi üçün tədbirlər görüləcək.

Vəhşi pişiklərin məhv edilməsi planları hakimiyyəti hədsiz qəddarlıqda ittiham edən heyvan hüquqları fəallarının ciddi tənqidinə səbəb olub.