Prezident bu ölkənin çirkli biznesini ifşa etdi
“Qonşuluğumuzda sanksiyalardan yayınma kimi qanunsuz fəaliyyətlə məşğul olanlar var. Belə məlumatlar mövcuddur. Həmin ölkənin ingilis dilində adı “A” ilə başlayır, lakin bu Azərbaycan deyil”.
Bunu Prezident İlham Əliyev martın 13-də Berlində Almaniyanın aparıcı şirkətlərinin rəhbərləri ilə görüşdə bildirib.
“Bu, sirr deyil, bütün rəqəmlər bəllidir. Biz gözləyirik ki, onlara bu əməllərinə görə sanksiyalar tətbiq olunsun. Ümumiyyətlə, buna görə onlara sanksiya tətbiq ediləcəkmi? Müxtəlif dövlətlərin nüfuzlu rəsmi nümayəndələrinin dediklərinə nəzər salsanız, anlayarsınız ki, bu çirkli bizneslə kim məşğul olur. Azərbaycan bu işlə məşğul deyil və prosesin ilk günlərindən bununla bağlı təlimatım aydın olub: paralel idxala və sanksiyalardan yayınma üçün hər hansı fürsətə imkan verilməsin”, - deyə dövlət başçısı qeyd edib.